ფოტო-გამოფენა "სწავლა არასოდეს არის გვიანი!"

12 ივნისს, ევროპის სახლში, საქართველოს ზრდასრულთა განათლების ქსელმა (GAEN), საქართველოში აკრედიტირებული საელჩოების მონაწილეობით, ორგანიზება გაუწია ზრდასრულთა განათლების თემაზე ფოტო ნამუშვრების გამოფენას ევროკავშირის სლოგანით: „სწავლა არასოდეს არის გვიანი!“. ღონისძიების მიზანი იყო ევროპისა და ამერიკის ქვეყნების ზრდასრულთა განათლების მდიდარი ტრადიციებისა და ფასეულობების ქართული საზოგადოებისთვის გაზიარება და მთელი სიცოცხლის მანძილზე სწავლის კონცეფციის პოპულარიზება საქართველოში.

ღონისძიებას დაესწრნენ: საქართველოს განათლებისა და მეცნიერების სამინისტროს, გერმანიის, პოლონეთის, ბულგარეთის, სომხეთის საელჩოების დიპლომატიური კორპუსისა და საზოგადოებრივი ორგანიზაციის წარმომადგენლები.

პროექტი განხორციელდა სახალხო უნივერსიტეტთა გერმანული ასოციაციის DVV International საქართველოს ოფისის ფინანსური მხარდაჭერით.

20 ივნისი